महाईन्यूज | पुणे
पत्नीचा गळा आवळून खून करून आरोपीनं थेट पोलीस स्टेशन गाठत गुन्ह्याची कबुली दिल्याचा प्रकार पिंपरी-चिंचवडमध्ये घडला आहे. या प्रकारानंतर चिंचवड पोलिसांनी घटनास्थळी धाव घेतली. दुसऱ्या पत्नीवरून दोघांमध्ये सतत वाद होत असल्याची माहिती पोलिसांना प्रथमिक तपासातून मिळाली आहे.
बानू हसनसहाब नदाफ (वय-३४) असे खून करण्यात आलेल्या पत्नीचे नाव आहे. तर हसनसहाब (वय-४१) असे आरोपी पतीचे नाव आहे. हसनसहाबने काही वर्षांपूर्वी दुसरा विवाह झाला होता. त्यावरून दोघांमध्ये सतत वाद होत होता. यातूनच खून झाला असल्याचा पोलिसांचा संशय आहे.
