breaking-newsताज्या घडामोडीमहाराष्ट्र

धक्कादायक! चंद्रपूर जिल्ह्यात रानडुक्करानं कारला धडक दिल्याने विचित्र अपघात; एक ठार, पाच जखमी

राजुरा येथील चनाखा या गावच्या मार्गावर रानडुकरानं कारला जबर धडक दिल्याने एकाच कुटुंबातील एक जण ठार तर पाच जण गंभीर जखमी झाले आहेत. धडक इतकी जबर होती की ही कार मुख्य मार्गावरुन लांब फेकली गेली.

पोलिसांच्या माहितीनुसार, मोतीराम आत्राम असे मृत व्यक्तीचे नाव आहे. ही घटना राजूरा तालुक्यातील चनाखा मार्गावर मंगळवारी रात्री १२ वाजण्याच्या सुमारास घडली. जखमींना उपचारासाठी चंद्रपुरला हलवण्यात आलं आहे.

राजुरा तालुक्यात येणाऱ्या कविठपेठ येथील मोतीराम विठू आत्राम हे आपल्या परिवारासह राजुरा येथील रवि कोडापे या नातेवाईकाकडे गेले होते. मंगळवारला रात्री उशिरा कोडापे यांच्या कारने आत्राम कुटुंबिय आपल्या गावाकडे निघाले. कारमध्ये मोतीराम आत्राम, साधना आत्राम, रुणाली आत्राम, समिक्षा आत्राम बसले होते. तर रवी कोडापे कार चालवित होते.

चनाखा गावाजवळ अचानक झूडपातून आलेल्या रानडुकराने त्यांच्या कारला जोरदार धडक दिली. या धडकेत कार मार्गावरुन लांब फेकली गेली. यात मोतीराम आत्राम यांचा घटनास्थळीच मृत्यू झाला, तर इतर पाच जण गंभीर जखमी आहेत. घटनेची माहिती विरुर पोलिसांना देण्यात आली आहे. पोलिसांनी घटनास्थळ गाठून जखमींना उपचारासाठी चंद्रपूरला हलवले. पुढील तपास विरुर पोलीस करीत आहेत.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button