breaking-newsताज्या घडामोडीराष्ट्रिय

दिल्लीत रोज ६ बलात्कार, १० मुलींचं अपहरण

नवी दिल्ली: देशाची राजधानी दिल्ली ही महिलांसाठी सुरक्षित नसल्याचे पुन्हा एकदा सिद्ध झाले आहे. दिल्लीत दरदरोज ६ महिलांवर बलात्कार होत आहे. १६ मुलांचे अपहरण होत असून यात १० मुलींचा समावेश आहे, ही सर्व आकडेवारी दिल्ली पोलिसांनी दिली आहे.

दिल्ली पोलिसांच्या माहितीनुसार, महिलांविरोधात होणाऱ्या गुन्ह्यांच्या आकडेवारीवर नजर टाकल्यास ही धक्कादायक बाब समोर आली आहे. यावर्षी जानेवारी ते ३१ ऑगस्टपर्यंत बलात्काराच्या १४४६ घटना घडल्या आहेत. याचाच अर्थ प्रत्येक महिन्याला १८० आणि दररोज ६ घटना घडल्या आहेत. बलात्काराच्या या घटनांमध्ये अल्पवयीन मुलींवर बलात्कार झाल्याच्या घटनांचाही समावेश आहे. दिल्लीच्या कानाकोपऱ्यात दरदरोज दोन चिमुरडीवर बलात्कार होत आहेत. महिलांचा विनयभंग आणि धमकी देण्याच्या घटनांत दररोज ११ घटना घडल्या आहेत. दिल्लीच्या पोलीस स्टेशनमध्ये आठ महिन्यात २ हजार ७७१ गुन्हे दाखल झाले आहेत.

महिलांविरोधात सासर आणि पतीकडून होत असलेल्या अत्याचाराच्या घटनांतही वाढ झाली आहे. प्रत्येक महिन्याला २४६ गुन्ह्यांची नोंद करण्यात आली आहे. याचाच अर्थ दरदिवशी ८ महिलांवर सासरचे लोक अत्याचार करीत असल्याचे उघड झाले आहे.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button