तंत्रशिक्षण प्रथम वर्ष पदविका अभ्यासक्रमांची प्रवेश प्रक्रिया १० ते २५ ऑगस्ट दरम्यान- उदय सामंत
मुंबई : शैक्षणिक वर्ष २०२०-२१ करिता तंत्रशिक्षण ( पॉलिटेक्निक ) प्रथम वर्ष पदविका अभ्यासक्रमांची प्रवेश प्रक्रिया दिनांक १० ते २५ ऑगस्ट २०२० या कालावधीत राबविण्यात येणार आहे, अशी माहिती उच्च व तंत्रशिक्षणमंत्री उदय सामंत यांनी दिलेली आहे.
शैक्षणिक वर्ष २०२०-२१ करिता तंत्रशिक्षण प्रथम वर्ष पदविका अभ्यासक्रमाची प्रवेशप्रक्रिया १० ऑगस्ट ते २५ ऑगस्ट या कालावधीत राबविण्यात येणार. प्रवेश अर्जासह सर्व प्रकारची माहिती https://t.co/mvbpfS9QBH या संकेतस्थळावर उपलब्ध- उच्च व तंत्र शिक्षण मंत्री @samant_uday यांची माहिती pic.twitter.com/rM7pKxKM1K
— MAHARASHTRA DGIPR (@MahaDGIPR) August 7, 2020
विद्यार्थ्यांच्या सोयीसाठी राज्यामध्ये अभियांत्रिकी पदविका प्रवेशासाठी ३३६ सुविधा केंद्रांची व बारावीनंतरच्या पदविका अभ्यासक्रमांसाठी २४२ सुविधा केंद्रांची निवड केलेली आहे, असे सामंत यांनी सांगितलेले आहे. कोविड-१९ च्या पार्श्वभूमीवर सुरक्षिततेसाठी, गर्दी टाळण्याच्या दृष्टीने गतवर्षीप्रमाणे वरीलपैकी सुविधा केंद्रास भेट देऊन कागदपत्रांची प्रत्यक्ष छाननी करणे या पद्धतीसोबतच ई-स्क्रूटिनीची संकल्पना राबविण्यात येणार आहे. याद्वारे अर्जदारास प्रत्यक्ष सुविधा केंद्रास भेट देण्याची आवश्यकता नाहीये.
अर्ज भरण्यापासून संस्थेत प्रवेश निश्चिती करण्यापर्यंतची सर्व प्रक्रिया ते स्वतः ऑनलाईन माध्यमातून करू शकतील. प्रवेशासंबंधी सुविधा केंद्रांची यादी आणि e-Scrutiny पद्धतीची माहिती ,अर्ज भरण्यासाठी आवश्यक ती माहिती , हेल्पलाईन क्रमांक इत्यादी सविस्तर माहिती http://www.dtemaharashtra.gov.in या संकेतस्थळावर उपलब्ध आहे.असेही सामंत यांनी संगितलेले आहे.
