breaking-newsताज्या घडामोडीमुंबई

ठाण्यातील लॉकडाऊनमध्ये ३१ ऑगस्टपर्यंत वाढ

राज्यभरात 1 ऑगस्टपासून मिशन बिगिन अगेनच्या पुढच्या टप्प्यात अनेक निर्बंध शिथिल करण्याचा सरकारनं निर्णय घेतला असला तरी एकीकडे ठाण्यातील लॉकडाऊनमध्ये ३१ ऑगस्टपर्यंत वाढ करण्यात आली आहे. ठाण्यातील कंटेन्मेंट झोनमध्ये लॉकडाऊन कायम असणार असल्याची माहिती ठाणे महानगरपालिकेचे आयुक्त विपिम शर्मा यांनी दिली. राज्यात मॉल आणि मार्केट कॉम्पलेक्सला ५ ऑगस्टपासून सुरू करण्यास परवानगी मिळाली असली तरी ठाण्यात मात्र अद्यापही मॉल, मार्केट, कॉम्प्लेक्स, जिम व स्विमिंग पुल सुरु करण्याबाबतचे निर्बंध कायम आहेत

करोनाचा वाढता प्रादुर्भाव लक्षात घेऊन ठाणे शहरात आधीच कडक लॉकडाऊन लागू करण्यात आला आहे. लॉकडाऊन सुरू असतानाही रुग्णसंख्या वेगाने वाढत आहे. चिंतेची बाब म्हणजे सध्या मुंबईपेक्षा ठाण्यात अॅक्टिव्ह रुग्णांची संख्या जास्त आहे. ही बाब ध्यानात घेऊनच ठाणे पालिकेने कठोर निर्णय घेतला आहे. जुलै महिन्यात नव्याने सुरू झालेला लॉकडाउन १९ जुलैपासून शिथिल झाला होता. हॉटस्पॉटमध्ये अद्याप लॉकडाउन असून तो ३१ ऑगस्टपर्यंत कायम राहणार आहे

लॉकडाऊनच्या काळात मॉल्स, मार्केट कॉम्प्लेक्स, जिम व स्विमिंग पूल वगळता सर्व भाजी मंडई, बाजारपेठा, आणि दुकाने सकाळी ९ ते संध्याकाळी ७ या वेळेत सम व विषम तत्वावर सुरु ठेवण्यास परवानगी दिली आहे. अटी व नियमांचे पालन न केल्यास कठोर कारवाई करण्याचा इशाराही देण्यात आला आहे.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button