breaking-newsमनोरंजन
झी युवा वाहिनीवरील या रिएलिटी शोमधील कलाकारांना कोरोनाची लागण
मुंबई – मराठी चित्रपट सृष्टीत सुद्धा कोरोनाचा प्रादुर्भाव मोठ्या प्रमाणावर वाढू लागला आहे. कालच (३१ ऑगस्ट) अभिनेता सुबोध भावे याला कोरोनाची लागण झाल्याचे समोर आले होते. आता मराठीतल्या आणखी ६ कलाकारांना कोरोनाची लागण झाल्याचे वृत्त समोर आले आहे. त्यामुळे मराठी चित्रपट सृष्टीत चिंतेचे वातावरण आहे.
झी युवा या वाहिनीवर सुरु झालेल्या सिंगिंग स्टार या सेलिब्रिटी रिअॅलिटी शोमध्ये सहभागी झालेले अभिजीत केळकर व पुर्णिमा डे यांना कोरोनाचा संसर्ग झाला आहे.अभिजीतने या संदर्भात एक पोस्ट सुद्धा इन्स्टाग्राम वर शेअर केली आहे. तसेच रोहित राऊत आणि जुईली जोगळेकर यांना सुद्धा कोरोनाची लागण झाली होती. आता त्यांची प्रकृती स्थिर आहे. आणि या शोच्या सेटवरील 2 क्रूमेंबर्सला सुद्धा कोरोना झाल्याने १० सप्टेंबरपर्यंत या शोचे शुटींग बंद असणार आहे.