breaking-newsआंतरराष्टीयताज्या घडामोडी

कुलभूषण जाधव यांच्या फाशीचा निर्णय मेरीटवर; पाकिस्तानच्या लष्कराचा निर्णय

इस्लामाबाद : भारतीय नागरिक कुलभूषण जाधव यांचा दयेचा अर्ज पाकिस्तानच्या मिलिट्री कोर्टाने फेटाळून लावला आहे. त्यामुळे जाधव यांनी पाकच्या लष्करप्रमुखाकडे दया याचिका सादर केली असून जाधव यांना फाशी दयायची की नाही, याचा निर्णय मेरीटवरच घेण्यात येणार असल्याचं पाककडून स्पष्ट करण्यात आलय.
भारताचा हेर असल्याच्या कथित आरोपावरून पाकिस्तानच्या मिलिट्री कोर्टाने कुलभूषण जाधव यांना फाशीची शिक्षा ठोठावली आहे. या शिक्षेविरोधात भारताने आंतरराष्ट्रीय कोर्टात अपील केले असून आंतरराष्ट्रीय कोर्टाने जाधव यांच्या शिक्षेस स्थगिती दिली आहे. दरम्यान, जाधव यांनीही पाकिस्तानच्या मिलिट्री कोर्टात दया याचिका सादर केली होती. मिलिट्री कोर्टाने ही याचिका फेटाळून लावल्यानंतर जाधव यांनी पाकिस्तानचे लष्कर प्रमुख कमर जावेद बजवा यांच्याकडे दया याचिका दाखल केली आहे. बजवा या याचिकेवर विचार करत असून जाधव यांच्याविरोधातील पुराव्यांचं विश्लेषण करत आहेत. त्यामुळे ते मेरीटच्या आधारेच जाधव यांच्या दया याचिकेवर निर्णय घेणार आहेत, असं पाकिस्तानच्या लष्करानं स्पष्ट केलयं.
दरम्यान, जाधव यांच्या आईने व्हिसा मिळावा म्हणून पाकिस्तानकडे अर्ज केला आहे. परंतू पाकिस्तानने अद्याप त्यांना व्हिसा दिलेला नाही. परराष्ट्र मंत्री सुषमा स्वराज यांनीही जाधव यांच्या आईला व्हिसा देण्यासाठी पाकिस्तानला पत्र लिहिले असून त्यालाही पाकिस्तानने उत्तर दिलेले नाही.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button