आंतरराष्टीयक्रिडा

काश्मीर मुद्द्यावर आफ्रिदीचं आणखी एक टि्वट

नवी दिल्ली : जम्मू-काश्मीरवर वादग्रस्त टि्वट केल्यानंतर पाकिस्तानी क्रिकेटपटू शाहिद आफ्रिदीनं खुलासा करत आज पुन्हा एक टि्वट केलं आहे. मात्र आपल्या भूमिकेवर ठाम राहत त्यानं पुन्हा एकवार काश्मीर मुद्दा उपस्थित केला आहे. ताज्या टि्वटमध्ये आफ्रिदीनं भारताच्या झेंड्यासोबत काढलेला एक फोटो पोस्ट केला आहे.

या टि्वटमध्ये आफ्रिदी लिहितो, ‘आम्ही सर्वांचा आदर करतो. हे एक खेळाडू असण्याचं हे उदाहरण आहे. पण जेव्हा मानवाधिकारांचा प्रश्न येतो, तेव्हा आमच्या निरागस काश्मीरींच्या अधिकारांचाही आदर करायला हवा.’ याआधी मंगळवारी केलेल्या टि्वटमध्ये आफ्रिदीने लिहीलं होतं, ‘भारतव्याप्त काश्मीरची स्थिती बेचैन करणारी आणि चिंताजनक आहे. येथे स्वातंत्र्याचा आवाज दाबण्यासाठी निर्दोष लोकांना मारलं जात आहे. आश्चर्य वाटतं की संयुक्त राष्ट्र आणि अन्य आंतरराष्ट्रीय संघटना कुठे आहेत. हा रक्तरंजित संघर्ष रोखण्यासाठी त्या काही करत का नाहीत?’

आफ्रिदीच्या या टि्वटवर सोशल मीडियावरून टीकेचा भडीमार झाला. भारतीय क्रिकेटपटू गौतम गंभीर यानेही आफ्रिदीला तोडीस तोड उत्तर दिलं होतं. मागील वर्षीही आफ्रिदीने काश्मीरचा मुद्दा उपस्थित केला होता.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button