कर्नाटक येथील एका कालव्यात बस कोसळून २५ जणांचा मृत्यू झाल्याची माहिती समोर आली आहे. कर्नाटकातील मांड्या येथे एक भरधाव बस कावेरी नदीला जोडलेल्या कालव्यात कोसळली. या भीषण अपघातात २५ जणांचा मृत्यू झाला आहे. कर्नाटकचे उपमुख्यमंत्री जी. परमेश्वर यांनी या अपघाताबद्दल माहिती दिली आहे.
या घटनेबद्दल कर्नाटकचे मुख्यमंत्री एच.डी. कुमारस्वामी यांनी खेद व्यक्त केला आहे. घडलेली घटना अत्यंत दुर्दैवी आहे, मी मृतांच्या कुटुंबीयांच्या दुःखात सहभागी आहे. या घटनेची चौकशी करण्यात येईल असेही कुमारस्वामी यांनी म्हटले आहे. या अपघाताबद्दल केरळचे मुख्यमंत्री पी. विजयन यांनीही शोक व्यक्त केला आहे.
