breaking-newsपुणेमहाराष्ट्र

एल्गार परिषदेच्या आयोजनासाठी नक्षलवाद्यांचा पैसा वापरला- पुणे पोलीस

पुणे : पुण्यातील शनिवारवाडा येथे झालेल्या एल्गार परिषदेच्या आयोजनासाठी नक्षलवाद्यांचा पैसा वापरण्यात आला. तसेच काल अटक करण्यात आलेल्या सुधीर ढवळेंसह पाचही आरोपींचे नक्षलवाद्यांशी संबंध असल्याचा गौप्यस्फोट पुणे पोलिसांनी आज केला. या आरोपींचे नक्षलवाद्यांशी संबंध असल्यानेच त्यांना अटक करण्यात आली असून, त्याचे पुरावे आहेत, असंही पोलिसांनी सांगितलं.

पुण्याचे पोलीस सहआयुक्त रवींद्र कदम यांनी पत्रकार परिषद घेऊन ही माहिती दिली. एल्गार परिषदेच्या आयोजनात नक्षलवाद्यांचा हात होता. या परिषदेसाठी नक्षलवाद्यांचा पैसा वापरण्यात आला होता, असं सांगतानाच नक्षली संघटनांशी संबध असल्याच्या आरोपावरून अटक करण्यात आलेल्या पाचही आरोपींकडे सापडलेल्या साहित्यावरून त्यांचा संबंध नक्षलवाद्यांशी असल्याचं स्पष्ट होत असल्याचं कदम यांनी सांगितलं. या आरोपींचा झारखंड आणि छत्तीसगडमधील नक्षली कारवायांशी संबंध आल्याचंही कदम यांनी स्पष्ट केलं. दरम्यान, या आरोपींचा कोरेगाव-भीमा दंगलीशी संबंध आहे की नाही, याचा तपास करण्यात येत असल्याचं ते म्हणाले.

नक्षलवाद्यांशी संबंध असल्याच्या आरोपावरून सुरेंद्र गडलिंग, रोना विल्सन, सुधीर ढवळे, शोमा सेन आणि महेश राऊत यांना बुधवारी अटक करण्यात आली होती.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button