breaking-newsमहाराष्ट्रमुंबईराष्ट्रिय

‘उद्धव ठाकरेंना अयोध्या दौऱ्यासाठी शुभेच्छा, पण सेनेचे देव तर बाळासाहेब’

उद्धव ठाकरे अयोध्येच्या दौऱ्यासाठी जाणार आहेत त्यांना माझ्या शुभेच्छा आहेत मात्र शिवसेनेचे देव तर बाळासाहेब ठाकरे आहेत असं म्हणत उद्धव ठाकरेंनी बाळासाहेबांच्या स्मारकाकडे लक्ष द्यावं अशी प्रतिक्रिया राष्ट्रवादीचे नेते छगन भुजबळ यांनी दिली आहे. मुंबईत आयोजित केलेल्या एका कार्यक्रमात त्यांनी हे वक्तव्य केलं आहे. विकासाचा मुद्दा अंगाशी आला त्यामुळे राम मंदिराचा मुद्दा पुढे केला जातो आहे अशीही टीका त्यांनी शिवसेनेवर केली आहे. राम मंदिराचे प्रकरण न्यायप्रविष्ट आहे. तसे असताना त्यावर राजकारण होणे गैर आहे तुमचा न्याय देवतेवर विश्वास नाही असेच वाटते आहे असेही भुजबळ यांनी म्हटले आहे.

दरम्यान जर राम मंदिर बांधणं शक्य होतं तर मागील चार वर्षात का बांधण्यात आलं नाही असाही प्रश्न छगन भुजबळ यांनी उपस्थित केला आहे. शिवसेनेला डबल ढोलकी वाजवता येणार नाही, सत्तेत राहून विरोधकांची जागा घ्यायची नाही. सत्ता सोडून मैदानाता या असंही आवाहन भुजबळ यांनी केलं.

याआधी राज ठाकरे यांनी उद्धव ठाकरेंच्या राम मंदिर दौऱ्यावर टीका केली. एकीकडे महाराष्ट्रात दुष्काळ पडला आहे आणि यांना मंदिर आठवतं आहे असा टोला राज ठाकरेंनी लगावला होता. तसेच शिवसेनेची भूमिका नाटकी असल्याचीही टीका त्यांनी केली. आता छगन भुजबळ यांनीही राम मंदिराच्या मुद्द्यावरून उद्धव ठाकरेंवर शरसंधान केलं आहे.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button