breaking-newsताज्या घडामोडीपिंपरी / चिंचवडपुणे
‘आप’ दुस-या यादीत पुण्यातील दोन उमेदवारांचा समावेश
पुणे |महाईन्यूज|प्रतिनिधी|
राज्यातील आगामी विधानसभा निवडणुकीसाठी आम आदमी पार्टीने रविवारी आपली दुसरी उमेदवारी यादी जाहीर केली. पुण्यातील दोन मतदार संघातील उमेदवारांसह एकूण आठ उमेदवारांचा या यादीत समावेश आहे.
पुण्यातील शिवाजी नगर मतदार संघातून मुकुंद किर्दत तर वडगावशेरी मतदार संघातून गणेश धमाले निवडणुकीच्या रिंगणात उतरणार आहेत. पश्चिम महाराष्ट्रातील मध्य सोलापूर मतदार संघातून अॅड. खतीब वकील यांना उमेदवारी देण्यात आली आहे. मराठवाड्यातील जालना मदतदार संघातून कैलास फुलारी, उत्तर महाराष्ट्रातील नंदुरबार जिल्ह्यातील नवापूर मतदार संघातून डॉ सुनील गावित आणि कोंकण विभागातील ठाणे जिल्ह्यातील मुंब्रा-वळवा मतदार संघातून डॉ. अल्लामाश फैजी निवडणूक लढणार आहेत.