अभिनेता संजय दत्त श्वास घेण्यास त्रास होत असल्यामुळे लीलावती रुग्णालयात दाखल…
मुंबई: बॉलिवूड अभिनेता संजय दत्त यांना रुग्णालयात दाखल करण्यात आलं आहे. संजय दत्त यांना श्वास घेण्यास त्रास होत आहे. त्यामुळे त्यांना लीलावती रुग्णालयात दाखल करण्यात आलेलं आहे. माहितीनुसार, संजय दत्त यांना श्वास घेण्यास त्रास होऊ लागला होता. त्यानंतर त्यांची कोरोना टेस्ट करण्यात आलेली आहे. मात्र सुदैवाने ही चाचणी निगेटिव्ह आलेली आहे. त्यामुळे संजय दत्त यांना लीलावती रुग्णालयातील नॉन-कोव्हिड वॉर्डमध्ये भरती करण्यात आलेलं आहे. दरम्यान जर त्यांची प्रकृती स्थिर राहिली तर त्यांना उद्या डिस्चार्जही देण्यात येईल, असे सांगितले जात आहे.
Just wanted to assure everyone that I’m doing well. I’m currently under medical observation & my COVID-19 report is negative. With the help & care of the doctors, nurses & staff at Lilavati hospital, I should be home in a day or two. Thank you for your well wishes & blessings 🙏
— Sanjay Dutt (@duttsanjay) August 8, 2020
संजय दत्त हे लॉकडाऊनच्या काळात आपल्या कुटुंबापासून लांब होते. त्यांची पत्नी मान्यता दत्त ही दोन्ही मुलांसह दुबईला होते. या दरम्यान त्यांनी आपल्या कुटुंबासोबतचे अनेक फोटो सोशल मीडियावर पोस्ट केलेले आहेत. संजय दत्त यांचा पानीपत चित्रपट प्रदर्शित झालेला होता. त्यानंतर आता ते सड़क 2, शमशेरा, भुज, केजीएफ, पृथ्वीराज आणि तोरबाज या चित्रपटांच्या शूटींगमध्ये व्यस्त आहेत. मात्र कोरोनामुळे चित्रपटांच्या शूटींगला ब्रेक लावण्यात आलेला आहे.
