breaking-newsताज्या घडामोडीमहाराष्ट्र

अकोला-वाशीम राष्ट्रीय महामार्गावर लक्झरी बस आणि ट्रक अपघातात दोन ठार

अकोला: अकोला-वाशीम राष्ट्रीय महामार्गावर आज पहाटे लक्झरी बस आणि ट्रक दरम्यान झालेल्या भीषण अपघातात दोनजण जागीच ठार झाले आहेत. या अपघातात १३ प्रवासी गंभीर जखमी झाले असून त्यांच्यावर उपचार सुरू आहेत.
आज पहाटे ६ वाजता हा अपघात झाला. अकोला-वाशीम राष्ट्रीय महामार्गावर रिधोरा येथे जय महाराष्ट्र ढाब्याजवळ लक्झरी बस आण ट्रकची समोरासमोर धडक झाली. या अपघातात ट्रक चालक आणि बसमधील एक प्रवासी जागीच ठार झाला आहे. हा अपघात इतका भीषण होता की ट्रकचा समोरचा भाग तुटून रस्त्याच्या बाजूला पडला. धक्कादायक म्हणजे या अपघातात ट्रकचालकाचे शीर धडावेगळे झाले. अपघातातील १३ जखमींना तात्काळ अकोला येथे उपचारासाठी दाखल करण्यात आले असून त्यांच्यावर उपचार सुरू असल्याचं सांगण्यात आलं. याप्रकरणी पोलिसांनी घटनास्थळी धाव घेऊन क्रेनच्या सहाय्याने रस्त्यावरील ट्रक आणि बसेस बाजूला करून वाहतुकीसाठी रस्ता मोकळा केला. सागर ट्रॅव्हल्सची ही बस पुणे येथून प्रवाशी घेऊन अकोल्याच्या दिशेने जात होती. समोरूनच आलेल्या आयशर ट्रकने या बसला जोरदार धडक दिल्याचं स्थानिकांचं म्हणणं आहे. याप्रकरणी मालेगाव पोलीस ठाण्यात गुन्हा नोंदविण्यात आला असून अधिक तपास सुरू असल्याचं पोलीस निरीक्षक प्रियंका मीना यांनी सांगितलं.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button