breaking-newsताज्या घडामोडीराष्ट्रिय

शहा, हिंमत असेल तर माझ्याविरुद्ध लढा: ओवेसी

हैदराबाद : एआयएमआयएमचे प्रमुख असदुद्दीन ओवेसी यांनी भाजप अध्यक्ष अमित शहा यांना खुले आव्हान दिलं आहे. ‘तुमच्यात हिंमत असेल तर माझ्याविरोधात हैदराबादमध्ये निवडणूक लढवून दाखवा’, असं ओवेसी म्हणाले. हैदराबाद जिंकणं केक खाण्याइतकं सोपं नाही, असा टोलाही ओवेसींनी शहांना लगावला.
‘भाजपला हैदराबादमधून लोकसभेची निवडणूक लढवायची आहे. त्यांचे स्वागतच आहे. पण निवडणुकीत इतर कुणाला का उतरवताय? अमित शहांनीच निवडणूक लढवून दाखवावी’, असं आव्हान ओवेसी यांनी दिलं. ‘हैदराबादमधून निवडणूक जिंकणं हे काही केक खाण्याइतकं सोपं आहे का? आम्ही इथं मोठ्या प्रमाणात विकासकामं केली आहेत. तीन वेळा मी इथून लोकसभेवर निवडून आलो आहे’, असं हैदराबादमध्ये काल झालेल्या एका सभेत ओवेसी म्हणाले.
‘२०१९च्या विधानसभा निवडणुकीत तेलंगणात सत्ता आणण्याचा दावा भाजपनं केला आहे. पण भाजपचे हे स्वप्नच राहील. तेलंगणात तुमचा दारुण पराभव करू’, असं ते म्हणाले. ‘अमित शहा तेलंगणचे मुख्यमंत्री के. चंद्रशेखर राव यांच्यासोबत एका दलित कुटुंबाच्या घरी जेवले. पण ते अन्न त्या दलित कुटुंबाने तयार केलेले नव्हते तर दुसरीकडून बनवून आणले होते. हीच का तुमची आंबेडकरांवरील श्रद्धा?’ असा सवाल ओवेसींनी शहा यांना केला.

Related Articles

Leave a Reply

Your email address will not be published.

Back to top button