breaking-newsआंतरराष्टीय

शस्त्र खरेदीवर निर्बंध घालणाऱ्या कायद्यात लवचिकता आणू पण…

नवी दिल्लीः रशियाकडून शस्त्र खरेदी करणाऱ्या देशांवर निर्बंध घालणाऱ्या कायद्यात लवचिकता आणण्याची तयारी अमेरिकेने दाखवली आहे. पण यासाठी आपलीच शस्त्रं घेण्याची अट अमेरिकेने भारताला घातली आहे. अमेरिकेची शस्त्रास्त्र हवी असल्यास भारताने रशियासोबतचा प्रस्तावित ५.५ अब्ज डॉलरचा S-400 ट्रंफ एअर डिफेन्स मिसाइल सिस्टिमचा व्यवहार पुढे रेटू नये, अशी अट घातली आहे.

एकीकडे भारत आणि रशियामध्ये १२ अब्ज डॉलरच्या सुरक्षेच्या विविध योजनांवर चर्चा सुरू आहे. तसंच अमेरिकेच्या शस्त्र खरेदी निर्बंध कायद्यावर तोडगा काढण्यासाठी दोन्ही देश प्रयत्नशील आहेत. दुसरीकडे भारतासारख्या देशांना शस्त्र खेरदी निर्बंध कायद्यातून सूट मिळायला हवी, असं अमेरिकेचे संरक्षणंत्री जिम मॅटीस यांनी म्हटलंय. पण ६ एप्रिलला अमेरिकेने रशियाच्या ३९ संस्थांवर निर्बंध घातलेत. यात शस्त्रास्त्र निर्मिती करणाऱ्या रशियाच्या सरकारी संस्थेचाही समावेश आहे. या संस्थेशी भारत सतत व्यवहार करत आला आहे. अमेरिकेच्या नव्या शस्त्रास्त्र निर्बंध कायद्यानुसार निर्बंध घातलेल्या कुठल्याही संस्थेकडून शस्त्रास्त्र खरेदी केल्यास त्या देशावर निर्बंध घालण्यात येणार आहेत.

Job AlertJob Alert Job Alert

Related Articles

Leave a Reply

Your email address will not be published. Required fields are marked *

Back to top button