महाराष्ट्र

विरोधकांच्या संघर्ष यात्रेला एकनाथ खडसेंच्या पायघड्या; राजकीय चर्चेला उधाण

जळगाव: शेतकऱ्यांना कर्जमाफी देण्याच्या मागणीवरून राज्यातील भाजप सरकारविरोधात सुरू असलेली विरोधी पक्षांची संघर्षयात्रा जळगावातील मुक्ताईनगरात पोहोचली असून भाजप नेते एकनाथ खडसे यांनी त्यांच्या फार्महाऊसवर या संघर्षयात्रेचं स्वागत केल्याने सगळ्यांच्याच भुवया उंचावल्या आहेत.
विरोधी पक्षनेते राधाकृष्ण विखे-पाटील, विधान परिषदेतील विरोधी पक्ष नेते धनंजय मुंडे, राष्ट्रवादीचे नेते अजित पवार यांचं एकनाथ खडसे यांनी पुष्पगुच्छ देऊन स्वागत केलं. यावेळी विरोधकांना नाश्त्याचीही व्यवस्था करण्यात आली होती. या स्वागताचे फोटो सर्वत्र व्हायरल झाले आहेत.
विरोधी पक्षाचे प्रमुख नेते आणि खडसे यांच्यात यावेळी बंद दाराआड दहा मिनिटं चर्चाही झाली. या सगळ्या प्रकाराने जळगावचं राजकारण ढवळून निघालं आहे. सरकारविरोधात विरोधी पक्षाने विधीमंडळात तसेच राज्यभर संघर्षाची धार तीव्र केली असताना खडसे या संघर्षाला खतपाणी तर घालत नाहीत ना?, अशीही कुजबूज सुरू झाली आहे.

Job AlertJob Alert Job Alert

Related Articles

Leave a Reply

Your email address will not be published. Required fields are marked *

Back to top button