breaking-newsताज्या घडामोडीराष्ट्रिय

मुख्यमंत्री ममता बॅनर्जींच्या बंगालमध्ये भाजप ‘हिरो’, काँग्रेस ‘झिरो’

कोलकाता : पश्चिम बंगालमधील सात स्थानिक स्वराज्य संस्थांवर आपला झेंडा फडकवून मुख्यमंत्री ममता बॅनर्जींच्या तृणमूल काँग्रेसनं वर्चस्व सिद्ध केलं आहेच, पण भाजपनं दुसरा क्रमांक पटकावून सगळ्यांचंच लक्ष वेधून घेतलं आहे. डाव्यांची पिछेहाट आणि काँग्रेसला भोपळाही फोडता न आल्यानं, तृणमूलचा प्रतिस्पर्धी म्हणून भाजपचा उदय झाल्याची चर्चा राजकीय वर्तुळात आहे.
भाजपने तीन पालिकांमध्ये सहा जागा जिंकल्या आहेत. धुपगुडीत १६ पैकी १२ जागांवर तृणमूलनं बाजी मारली, तर चार जागा भाजपनं जिंकल्या. बुनियादपूरच्या १४ पैकी १३ वॉर्डांमध्ये तृणमूलचे उमेदवार विजयी झाले, तर एका जागेवर कमळ उमललं. पांशकुडामध्येही भाजपनं चंचूप्रवेश केला. भाजपच्या खात्यावरील जागा कमी दिसत असल्या तरी हळूहळू ते बंगालमध्ये पाय रोवत असल्याचं ही आकडेवारी सूचित करते. जिथे एकेका जागेसाठी त्यांना झगडावं लागत होतं, तिथे आज त्यांनी ‘षटकार’ लगावून आपले इरादे स्पष्ट केले आहेत.
दुसरीकडे, डाव्यांचे बालेकिल्ले ममता बॅनर्जींनी काबीज केल्याचं चित्र पुन्हा दिसून आलंय. तसंच, काँग्रेसच्या हातालाही मतदारांनी हात दाखवला आहे.

Related Articles

Leave a Reply

Your email address will not be published.

Back to top button