breaking-newsताज्या घडामोडीराष्ट्रिय

माझ्यावर हल्ला करणारे भाजप-आरएसएसचे कार्यकर्ते; राहुल गांधींची टीका

नवी दिल्ली: गुजरातमध्ये काँग्रेस उपाध्यक्ष राहुल गांधी यांच्या कारवर झालेल्या दगडफेकीच्या घटनेचा पंतप्रधान नरेंद्र मोदी यांनी निषेध न केल्याने काँग्रेसकडून मोदींना लक्ष्य केलं जात आहे. खुद्द राहुल गांधी यांनीच आज यावर तिखट प्रतिक्रिया दिली. माझ्यावर हल्ला करणारे भाजप आणि राष्ट्रीय स्वयंसेवक संघाचे कार्यकर्ते होते आणि त्यांची व पंतप्रधान नरेंद्र मोदी यांची राजकारण करण्याची हीच पद्धत आहे, असा थेट आरोप राहुल यांनी केला.
राहुल गांधी गुजरातमधील पूरग्रस्त भागाचा दौरा करत असताना शुक्रवारी बनासकांठा जिल्ह्यातील धानेरा येथे त्यांच्या ताफ्याला जमावाने लक्ष्य केले. राहुल यांच्या कारवर भलामोठा दगड भिरकावण्यात आला. त्यात राहुल यांच्या कारची काच फुटून त्यात सुरक्षा अधिकारी जखमी झाला. त्यानंतर हा हल्ला भाजपच्या गुडांनी केला असा आरोप काँग्रेस नेते रणदीप सूरजेवाला यांनी केला होता. या पार्श्वभूमीवर राहुल यांना आज पत्रकारांनी हल्ल्याबाबत विचारले असता त्यांनी भाजप, राष्ट्रीय स्वयंसेवक संघ आणि पंतप्रधान नरेंद्र मोदी यांच्यावर जोरदार निशाणा साधला.
भाजपच्या कार्यकर्त्याने मारलेला दगड माझ्या सुरक्षा अधिकाऱ्याला लागला. हीच मोदी आणि भाजप-आरएसएसच्या राजकारणाची पद्धत राहिलेली आहे, अशी तोफ राहुल यांनी डागली. या घटनेचा पंतप्रधानांकडून निषेध करण्यात आलेला नाही, अशी विचारणा पत्रकारांनी केली असता ‘जी व्यक्ती स्वत:च हे घडवून आणते ती व्यक्ती निषेध कसा करणार?’, असा प्रतिसवाल राहुल यांनी केला.

Related Articles

Leave a Reply

Your email address will not be published.

Back to top button