जम्मू-काश्मीर: शोपियाँमध्ये पुन्हा चकमक; दोन दहशतवाद्यांचा खात्मा
जम्मू-काश्मीरमध्ये बुधवारी सकाळी दहशतवादी आणि सुरक्षा रक्षकांमध्ये मोठी चकमक झाली. यामध्ये दोन दहशतवादी ठार झाले असून इतर दहशतवाद्यांना सुरक्षारक्षकांनी घेरले आहे. दरम्यान, चकमक अद्यापच सुरुच आहे. शोपियाँ जिल्ह्यात आठवड्याभरात झालेली ही तिसरी चकमक आहे.
#UPDATE Two unidentified terrorists have been killed in the encounter in Sugoo area of Shopian district. Police and security forces are carrying out the operation. Operation is going on: Jammu & Kashmir Police. (Visuals deferred by unspecified time) pic.twitter.com/We3SDOvQ4x
— ANI (@ANI) June 10, 2020
सुत्रांच्या माहितीनुसार, पोलीस आणि लष्कराचे 44RR पथक आणि केंद्रीय राखीव सुरक्षा बल (सीआरपीएफ) यांच्या संयुक्त पथकाने बुधवारी सकाळी ही कारवाई केली. या पथकाने शोपियाँ जिल्ह्यातील सुगू हेंदमा या भागात दहशतवादी लपून बसल्याची माहिती मिळाली होती. त्यानुसार, या संयुक्त पथकाने संबंधित भागाला गराडा आणि सर्च ऑपरेशन सुरु केले. दरम्यान, दहशतवाद्यांनी गोळीबार सुरु केल्यानंतर सुरक्षा रक्षकांनीही त्यांना जोरदार प्रत्युत्तर दिलं. यामध्ये दोन दहशतवादी ठार झाले.
शोपियाँ जिल्ह्यात दहशतवाद्यांसोबत झालेल्या चकमकीची आठवड्यातील ही तिसरी घटना आहे. यापूर्वी रविवारी आणि सोमवारी झालेल्या चकमकींमध्ये एकूण ९ दहशतवाद्यांना कंठस्नान घालण्यात आले होते. त्यानंतर आज झालेल्या चकमकीत दोन दहशतवादी ठार झाल्याने आठवड्याभरात एकू ११ दहशतवाद्यांचा सुरक्षा रक्षकांनी खात्मा केला आहे.