breaking-newsपुणे
चिंचवडमध्ये अनधिकृत बांधकामावर कारवाई
पिंपरी- चिंचवड येथील अनधिकृत बांधकामावर शनिवारी कारवाई करण्यात आली. यावेळी ‘ब’ क्षेत्रिय कार्यालय अंतर्गत प्रभाग क्रमांक 17 चिंचवड, येथे अनधिकृत बांधकामे सुरु होती. या चालू असलेल्या अनधिकृत बांधकामावर पालिकेच्या अनधिकृत विभागाने आज हातोडा चालविला. त्यामध्ये एक वीटबांधकाम व एक आरसीसी बांधकामावर क्षेत्रफळ अंदाजे 413.33 चौरस फुटावर कारवाई करण्यात आली.
कार्यकारी अभियंता मकरंद निकम, यांचे मार्गदर्शनाखाली उपअभियंता केशव फुटाणे यांच्यासह इतर कनिष्ठ अभियंता, बीट निरिक्षक यांच्या पथकाने ही कारवाई केली. कारवाई दरम्यान कोणताही अनुचित प्रकार घडू नये यासाठी मोठा पोलीस बंदोबस्त तैनात करण्यात आला होता.