breaking-newsताज्या घडामोडीराष्ट्रिय

कर्नाटक विधानसभा ;महिला अनुवादकामुळे अमित शाह यांचा पारा चढला

बंगळुरू: कर्नाटक विधानसभा निवडणुकीचा प्रचार सध्या शिगेला पोहोचला आहे. त्यासाठी पंतप्रधान नरेंद्र मोदी यांच्यासह पक्षाध्यक्ष अमित शाह जातीने प्रचारात उतरले आहेत. येथील नेलमंगला विधानसभा मतदारसंघातही मंगळवारी अमित शहांची जाहीर सभा झाली. यावेळी घडलेल्या एका प्रसंगामुळे वातावरणात काहीसा तणाव निर्माण झाला होता. अमित शाह याठिकाणी हिंदीत भाषण करत होते. एक स्थानिक महिला अनुवादक या भाषणाचे कानडीत भाषांतर करत होती. भाषणादरम्यान अमित शाह यांनी मोदींना आव्हान देणाऱ्या राहुल गांधी यांच्यावर टिप्पणी केली. तेव्हा महिला अनुवादकाने शाह यांच्या वाक्याचे भाषण करताना मोदींसाठी ‘विश्वगुरू’ आणि ‘प्रधानसेवक’ ही स्वत:च्या पदरातील विशेषणे जोडली. त्यामुळे अमित शाह यांच्या रागाचा पारा चढला आणि त्यांनी सर्वांदेखत या महिला अनुवादकाची चांगलीच हजेरी घेतली.

मी जितके बोलतोय त्याचाच अनुवाद करा. त्यामध्ये उगाच स्वत:च्या मनाने वाक्ये घालू नका, असे शाह यांनी संबंधित महिलेला सुनावले. त्यानंतर अमित शाह यांनी पुन्हा बोलायला सुरूवात केली. मात्र, अमित शाह यांनी अचानक केलेल्या ‘पाणउताऱ्यामुळे’ महिला अनुवादक चांगलीच गांगरून गेली. त्यामुळे पुढच्या साध्यासोप्या वाक्याचे भाषांतर करताना ही महिला अनुवादक दोनदा अडखळली. तिने लगेचच माईक व्यासपीठावर उभ्या असलेल्या भाजपा नेत्याच्या हातात दिला आणि ती मागच्या बाजूला निघून गेली. त्यानंतर संबंधित नेत्याने उर्वरित भाषणाचे भाषांतर केले. मात्र, सभा संपल्यानंतर कार्यकर्त्यांमध्ये या प्रसंगाची चांगलीच चर्चा रंगली होती.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button