पिंपरी – शहरात वेगवेगळ्या ठिकाणी सध्या अनधिकृत बांधकामे, होर्डिंग्ज, जाहिरात फलक आणि अतिक्रमणांवर पिंपरी-चिंचवड महापालिकेकडून कारवाई सुरू आहे. महापालिकेकडून शनिवारी (दि.30) तळवडेतील बांधकामांवर व निगडीत अनधिकृत फलकांवर कारवाई करण्यात आली.
महापालिकेच्या अनधिकृत बांधकाम व नियंत्रण विभागाने तळवडे रुपीनगर व ताम्हाणे वस्ती येथील दोन अनधिकृत बांधकामांवर कारवाई केली. ही कारवाई सहशहर अभियंता, संबंधित कार्यकारी अभियंता, 1 उपअभियंता, 2 कनिष्ठ अभियंता, 8 बीट निरीक्षक, अतिक्रमण पथक, तसेच 10 पालिका पोलिस, 1 जेसीबीच्या सहाय्याने ही कारवाई करण्यात आली. त्याच बरोबर अ प्रभाग कार्यालयाच्या जवळील अनधिकृत फलकांवर मोठ्या प्रमाणात कारवाई करण्यात आली. या परिसरातील एकुण 15 फ्लेक्स महापालिका प्रशासनाने काढले आहेत. त्यात अनेक खासगी क्लासेस, हॉटेल, शुभेच्छांच्या फलकांचा समावेश होता.
