breaking-newsराष्ट्रिय

विमानातच ‘त्या’ प्रेमवीराने मैत्रिणीला केले प्रपोज

इंदूर: गुडघ्यावर बसून ‘माझी होशील का?’, असे सहसा आपण चित्रपटामध्ये घडताना पाहिले असणार हो ना… मात्र इंदूरहून गोव्याला जाणाऱ्या विमानात एका प्रेमवीराने चक्क गुडघ्यावर बसून प्रवासी आणि विमान कंपनीच्या कर्मचाऱ्यांसमोर त्याच्या मैत्रिणीला प्रपोज केले. समोरच्या मुलीने होकार दिल्याने त्याची ही सर्व मेहनत कामी केली.

इंदूरहून गोव्याला जाणाऱ्या इंडिगोच्या विमानात रविवारी नरेंद्र अनानदानी नावाचा तरुण चढला. नरेंद्रची मैत्रीण गोव्याला जात होती. तिच्यासाठी तो खास नागपूरहून इंदूरला आला होता. मैत्रीण सीटजवळ पोहोचताच विमानातील स्पीकरवर तिला नरेंद्रचा आवाज ऐकू आला. नरेंद्रचा आवाज ऐकताच तरुणी ज्या ठिकाणाहून घोषणा केली जाते, त्या दिशेने चालू लागली. तितक्यात तिला नरेंद्र दिसला. यानंतर नरेंद्रने त्याच्या मैत्रिणीला सर्व प्रवाशांसमोर गुडघ्यावरुन बसून प्रपोज केले. यावेळी विमान कंपनीच्या कर्मचाऱ्यांनीही त्याला साथ दिली. ‘विल यू मॅरी मी?’ असे फलक हाती धरुन कर्मचारी उभे राहिले. नरेंद्रने प्रपोज करण्यासाठी घेतलेले हे कष्ट पाहून मैत्रिणीलाही आनंद झाला. तिने लगेच होकार दिला आणि विमानातील सर्व प्रवाशांनी दोघांचेही अभिनंदन केले.

‘प्रवास करणाऱ्या मुलीला नरेंद्र तिकडे येणार असल्याची कोणतीही कल्पना नव्हती. तिनं नेहमीप्रमाणे विमानात प्रवेश केला,’ अशी माहिती इंदूर विमानतळाच्या संचालिका आर्यमा संन्याल यांनी दिली. या फिल्मी स्टाईल स्टाईल प्रपोजसाठी नरेंद्रनं मोठी तयारी केली होती. यासाठी त्यानं विमानातील कर्मचाऱ्यांना विनंती केली होती. अखेर नरेंद्रनं घेतलेले सर्व कष्ट कामी आले अन् विमानातून त्याच्या आयुष्यरुपी प्रवासाचा नवा टप्पा सुरू झाला.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button