मुंबई : मुंबईतील मरीन ड्राइव्ह येथील समुद्रात एका तरुणाचा बुडून मृत्यू झाला आहे. एअर इंडिया इमारतीजवळ असलेल्या गंगा इमारतीसमोरील समुद्र किनाऱ्याजवळ ही घटना घडली. या तरुणाची ओळख पटलेली नाही.
मरीन ड्राइव्हच्या समुद्रात एक तरूण बुडाल्याची माहिती मिळताच अग्निशमन दलाचे जवान आणि पोलीस मरीन ड्राइव्ह किनाऱ्यावर दाखल झाले. या तरूणाची सुटका करत त्याला तातडीने जवळच्या जीटी हॉस्पिटलमध्ये दाखल करण्यात आले. मात्र डॉक्टरांनी त्याला मृत घोषित केले. या तरुणाचा हॉस्पिटलमध्ये दाखल होण्यापूर्वीच मृत्यू झाल्याची माहिती जीटी हॉस्पिटलचे सीएमओ डॉ. प्रविण यांनी दिली.
