दोन वर्षा पूर्वी भारतीय सैन्यदलाने पाकव्याप्त काश्मीरमध्ये घुसून ‘सर्जिकल स्ट्राईक’ केले होते. याच घटनेवर दिग्दर्शक आदित्य धर याने ‘उरी- द सर्जिकल स्ट्राईक’ या चित्रपटातून प्रकाशझोत टाकला आहे. अभिनेता विकी कौशलची मुख्य भूमिका असलेला हा युद्धपट ‘ये नया हिंदोस्तान है.. ये घरमें घुसेगा भी और मारेगा भी…’ अशा संवादातून तब्बल तीन दिवसांत 35.73 कोटी रुपयांची कमाई केली आहे.
taran adarsh✔@taran_adarsh
#UriTheSurgicalStrike emerges the FIRST HIT of 2019… Indeed, 2019 has started with high josh… Sets the BO on
on Day 3… Packs a solid total in its opening weekend… Fri 8.20 cr, Sat 12.43 cr, Sun 15.10 cr. Total: ₹ 35.73 cr. India biz. #Uri #HowsTheJosh
प्रदर्शनाच्या पहिल्या दिवशी ‘उरी’ने 8.20 कोटी रुपये तर दुसऱ्या दिवशी चित्रपटाने 12.43 कोटी रुपये कमावले आहेत. चित्रपटाच्या कमाईत तिसऱ्या दिवशीदेखील वाढ झाली आहे. चित्रपटाने तिसऱ्या दिवशी 15.10 कोटी रुपयांचा गल्ला जमवण्यात यश मिळवले आहे. उरी हा चित्रपट केवळ 25 कोटी रुपयांच्या बजेटमध्ये तयार करण्यात आला आहे. त्यामुळे चित्रपटाने तीनच दिवसांत गुंतवलेली रक्कम वसूल केली आहे. चित्रपटात विकी कौश, यामी गौतमसह परेश रावल, मोहित रैना, कीर्ती कुल्हारी यांच्या महत्त्वाच्या भूमिका आहेत. तसेच चित्रपटात पाकिस्तानी राजकारण, स्थानिक संघटना, सुरक्षा यंत्रणा यांच्यामध्ये भारतीय सैन्याविषयी होणाऱ्या चर्चा आणि एकंदर वातावरण पाहता पुन्हा एकदा काही घडून गेलेल्या घटना विचारात येतात.
