सध्या बॉलिवूडमध्ये अभिनेत्री सारा अली खान आणि कार्तिक आर्यन ही जोडी सतत चर्चेत असते. या दोघांचे फोटो सोशल मीडियावर नेहमी व्हायरल होत असतात. दिग्दर्शक इम्तियाज अली यांच्या आगामी चित्रपटात सारा आणि कार्तिक मुख्य भूमिकेत दिसणार आहेत. दरम्यान सारा आणि कार्तिकचा एक फोटो सोशल मीडियावर व्हायरल झाला आहे.
सारा आणि कार्तिक ही जोडी इम्तियाज अली यांच्या ‘लव्ह आज कल २’ या चित्रपटात झळकणार आहेत. या चित्रपटाचे चित्रीकरण हिमाचलमध्ये सुरु आहे. दरम्यान सारा आणि कार्तिकचा एक फोटो सोशल मीडियावर व्हायरल झाला आहे. या फोटोमध्ये साराने हिरव्या रंगाचा टॉप परिधान केला आहे तर कार्तिकने पांढऱ्या रंगाचा टी-शर्ट आणि त्यावर काळ्या रंगाचे जॅकेट परिधान केले आहे. ते दोघे ही अत्यंत सुंदर अंदाजात दिसत आहेत. फोटोमधील सारा आणि कार्तिकची केमिस्ट्री पाहता चाहत्यांमध्ये चित्रपटाची उत्सुकता वाढली आहे.
२००९ साली प्रदर्शित झालेला ‘लव्ह आज कल’ हा चित्रपट बॉक्स ऑफीसवर हिट ठरला होता. यामध्ये सैफ अली खान आणि दीपिका पदुकोणची मुख्य भूमिका होती. आता त्याच चित्रपटाच्या सिक्वलमध्ये सारा-कार्तिक मुख्य भूमिकेत आहेत.
