breaking-newsआंतरराष्टीय

पाकिस्तान ;हाफिज सईद निवडणुकीत उतरवणार २०० उमेदवार

लाहोर: मुंबईवरील दहशतवादी हल्ल्याचा मुख्य सूत्रधार आणि जमात-उद-दावा या दहशतवादी संघटनेचा म्होरक्या हाफिज सईद पाकिस्तानमध्ये होणाऱ्या निवडणुकीत २०० हून अधिक उमेदवार उभे करणार आहे. २५ जुलै रोजी पाकिस्तानात सार्वत्रिक निवडणुका होणार आहेत. मात्र, हाफिज स्वतः ही निवडणूक लढणार नाही.

हाफिजच्या जमात-उद-दावा या संघटनेने मिल्ली मुस्लीम लीग (एमएमएल) हा राजकीय पक्ष स्थापन केला असून, त्याची पाकिस्तान निवडणूक  आयोगात अद्याप नोंद झालेली नाही. निवडणुका जवळ आल्यानं निवडणूक आयोगातील नोंदणीकृत अल्लाहू अकबर तहरिक  (एएटी) या पक्षातर्फे निवडणुकीत उमेदवार उभे करण्याचा निर्णय हाफिजने घेतला आहे.

जमात-उद-दावाच्या कार्यकर्त्यांनी आणि समर्थकांनी निवडणूक आयोगाकडून उमेदवारी अर्ज घेतले आहेत. एएटीतर्फे ही निवडणूक लढणार आहेत. त्यावर एमएमएलचे अध्यक्ष सैफुल्ला खालिद आणि एएटीचे प्रमुख अहमद बरी यांनीही सहमती दर्शवली आहे. आघाडीनुसार, एमएलएलचे २००हून अधिक उमेदवार एएटीच्या चिन्हावर निवडणूक लढतील.

एमएमएलचे उमेदवार निवडणूक लढवणार असले तरी, स्वतः हाफिज सईद ही निवडणूक लढवणार नाही. एमएमएल पहिल्यांदाच निवडणूक लढवणार असून, मतदार उमेदवारांना नक्कीच निवडून देतील, असा विश्वास प्रवक्त्यांनी व्यक्त केला आहे.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button