breaking-newsआंतरराष्टीय

नेत्यांनी त्यांच्या संरक्षणाचा खर्च स्वत: उचलावा; पाकिस्तान सर्वोच्च न्यायालयाचा आदेश

इस्लामाबाद:  नेत्यांच्या सुरक्षेवर होणाऱ्या अवाढव्य खर्चावर पाकिस्तानच्या सर्वोच्च न्यायालयाने ताशेरे ओढले आहेत. नेत्यांनी त्यांच्या संरक्षणाचा खर्च स्वत: उचलावा, असे आदेशच पाकच्या सर्वोच्च न्यायालयाने दिले आहेत. सरकारी खर्चातून निवडणूक प्रचार करण्यासही न्यायालयाने मनाई केल्याने पाकमधील सत्ताधारी पक्षाची चांगलीच कोंडी झाली आहे.

‘डॉन न्यूज’ने त्याबाबतची माहिती दिली आहे. नेते आणि सरकारी अधिकारी वापर असलेल्या अलिशान गाड्यांचीही सर्वोच्च न्यायालयाने दखल घेतली आहे. पाक सर्वोच्च न्यायालयाचे सरन्यायाधीश मियाँ साकिब निसार यांच्या अध्यक्षतेखालील तीन न्यायाधीशांच्या खंडपीठाने हा निर्णय दिला. काही नेत्यांना सरकारी वाहने वापरल्याप्रकरणी नोटीसा बजावण्यात आल्या आहेत.

नेत्यांनी त्यांच्या संरक्षणासाठी स्वत: सुरक्षा रक्षक नेमावेत आणि त्याचा खर्च स्वत:च करावा, असे आदेश देतानाच देशासाठी कष्टानं कमावलेला किती पैसा नेत्यांच्या सुरक्षेवर खर्च होत आहे, असा सवालही न्यायालयाने विचारला आहे. दरम्यान, येत्या २५ जुलै रोजी पाकिस्तानात सार्वजनिक निवडणुका होत आहेत. त्यापार्श्वभूमीवर सरकारी पैसा निवडणूक प्रचारावर खर्च न करण्याचे आदेशही न्यायालयाने दिले आहेत.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button