अभिनेता आदित्य पांचोलीविरोधात एका मोटर मेकॅनिकने वर्सोवा पोलीस ठाण्यात तक्रार दाखल केली आहे. लॅण्ड क्रूझर गाडीच्या दुरुस्तीची रक्कम देण्यास नकार देऊन आदित्यने धमकावले, अशी तक्रार त्याने केली आहे. या प्रकरणी वर्सोवा पोलिसांनी अदखलपात्र गुन्हा नोंदवला आहे.
ANI✔@ANI
Mumbai: Complaint registered against actor Aditya Pancholi at Versova Police Station by a car mechanic for allegedly threatening to kill him when he asked for a payment of car repair charges of Rs 2,82,158. Investigation underway.
जोगेश्‍वरी पश्‍चिमेला राहणारे तक्रारदार मोहसीन राजपकर हे अनेक वर्षांपासून आदित्य पांचोली याला ओळखतात. त्यांनी यापूर्वीही आदित्यच्या गाडीची दुरुस्ती केली होती. २०१७ मध्ये आदित्यने त्याची कार दुरुस्त करण्यासाठी फोन करून घरी बोलावलं होतं. त्यांची लॅण्ड क्रूझर ही गाडी पूर्णपणे बंद पडली होती आणि त्याच्या दुरुस्तीचा खर्च २ लाख ८२ हजार इतका आला. हा खर्च मागण्यासाठी आदित्य यांना वारंवार संपर्क साधला. त्यांनी पैसे न देता उलट शिवीगाळ करत जीवे मारण्याची धमकी दिली असे मोहसीनने लेखी तक्रारीत म्हटले आहे. या प्रकरणी पोलिसांनी आदित्य पांचोलीविरोधात अदखलपात्र गुन्हा दाखल केला आहे.
