breaking-newsक्रिडा

इंग्लंड दौऱ्यावर जाण्यापूर्वी विराट घाबरला होता – सौरव गांगुली

नवी दिल्ली – टीम इंडियाचा कर्णधार विराट कोहलीला चार वर्षांपूर्वी इंग्लंड दौऱ्यात चांगली कामगिरी करता आली नव्हती. त्यामुळं तो चिंताग्रस्त होता. इंग्लंड दौऱ्यावर जाण्यापूर्वी विराट घाबरला होता. त्यामुळंच इंग्लंड दौऱ्यावर जाण्यापूर्वी विराटला कौंटी क्रिकेट खेळायचं होतं, असं टीम इंडियाचा माजी कर्णधार सौरव गांगुलीला वाटतं.
कोहली एक प्रतिभावंत खेळाडू आहे. यावेळी इंग्लंडमध्ये तो चांगला खेळ करेल. इंग्लंड दौऱ्याआधी तो कौंटी क्रिकेट खेळणार नाही हे त्याच्यासाठी चांगलंच आहे. चार वर्षांपूर्वीच्या सुमार कामगिरीमुळं तो चिंतेत होता. म्हणून त्याला या मालिकेपूर्वी कौंटी क्रिकेट खेळायचं होतं. पण आता तो कौंटी खेळणार नाही. हे त्याच्या दृष्टीनं खूप चांगलं आहे, असं गांगुली म्हणाला.

विराट हा चॅम्पियन आहे. तो अशा गोष्टींतून नक्की बाहेर येईल. विराटला मागच्या वेळी चांगली कामगिरी करता आली नव्हती. त्यानं त्या दौऱ्यात 10 कसोटी डावांमध्ये 13.40च्या सरासरीनं अवघ्या 134 धावा केल्या होत्या. यावेळी भारतासाठी चांगली संधी आहे. इंग्लंडचा संघही फार्मात आहे. त्यामुळं ही मालिका जबरदस्तच होईल. दोन्ही संघ चांगला खेळ करतील यात शंकाच नाही, असा विश्वासही गांगुलीनं व्यक्त केला.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button