काही दिवसांपूर्वीच अभिनेता अजय देवगणचे ‘सिम्बा’ आणि ‘टोटल धमाल’ हे दोन चित्रपट प्रदर्शित झाले. या चित्रपटांनी बॉक्स ऑफिसवर जोरदार कमाई केली. या चित्रपटांच्या यशानंतर अजय देवगणकडे अनेक चित्रपटांच्या ऑफर्स येत असून त्यामध्ये ‘बाहुबली : द बिगनिंग’, ‘बाहुबली : द कन्क्लुजन’ चित्रपटांचे दिग्दर्शक एस. एस. राजामौली यांच्या ‘RRR’ या चित्रपटाचा देखील समावेश आहे. या चित्रपटानंतर अजय लवकरच अभिषेक दुधैया यांच्या ‘भूज द प्राइड ऑफ इंडिया’ चित्रपटात झळकणार आहे.
या चित्रपटात अजय देवगणसह संजय दत्त, सोनाक्षी सिन्हा, परिणीती चोप्रा, राणा दग्गुबती आणि ऐमी विर्क ही दिग्गज कलाकार मंडळी झळकणार असल्याचं सूत्रांकडून सांगण्यात आलं आहे. या चित्रपटामध्ये अजय स्क्वाड्रन लीडर विजय कार्णिक यांची भूमिका साकारणार आहे.
taran adarsh✔@taran_adarsh
#Update: Sanjay Dutt, Sonakshi Sinha, Rana Daggubati, Parineeti Chopra and Ammy Virk join Ajay Devgn starrer #BhujThePrideOfIndia… Ajay essays the role of Squadron Leader Vijay Karnik, in charge of Bhuj airport during the 1971 Indo-Pak war… Directed by Abhishek Dudhaiya.
१९७१ साली झालेल्या भारत पाक युद्धाची पार्श्वभूमी या चित्रपटात दाखवण्यात येणार आहे. भारत पाक युद्धादरम्यान कर्णिक हे हवाई दलाच्या भूज तळावर नियुक्त होते. हवाई दलाच्या हल्ल्यात भूज तळावरील धावपट्टी उद्ध्वस्त झाली. त्यावेळी कर्णिक यांनी धाडसी निर्णय घेत आजूबाजूच्या गावातील ३०० महिलांकडे तळाची बांधणी करण्यासाठी मदत मागितली होती. त्यांचा ही धाडसी निर्णय आणि हवाई दलाची वाटचाल या चित्रपटात पहायला मिळणार आहे.
