breaking-newsक्रिडा

धोनीचं कौतुक, पण आयसीसीच्या नियमाचा आदर केला पाहिजे – बायचुंग भुतिया

भारतीय फुटबॉल संघाचा माजी कर्णधार बायचुंग भुतिया याने महेंद्रसिंग धोनीच्या ग्लोव्ह्जवरुन सुरु असलेल्या वादावर भाष्य करत आयसीसीच्या नियमांचा आदर केला पाहिजे असं मत नोंदवलं आहे. वर्ल्डकपमध्ये दक्षिण आफ्रिकेविरुद्धच्या सामन्यात भारताचा यष्टीरक्षक महेंद्रसिंह धोनी याने पॅरा कमांडोजच्या पॅराशूट युनिटकडे असलेले विशेष ‘बलिदान’ चिन्ह असलेले ग्लोव्ह्ज वापरले असून त्यावरुन वाद सुरु झाला आहे. आयसीसीने बीसीसीआयकडे धोनीला हे ग्लोव्ह्ज वापरु नये अशी सूचना कऱण्याची विनंती केली आहे.

बायचुंग भुतिया याने धोनीचं कौतुक केलं असून चाहत्यांनी दिलेल्या पाठिंब्यांचंही विशेष कौतुक केलं आहे. पण खेळात नियमापेक्षा खेळाडू मोठा नसतो असंही त्याने सांगितलं आहे. बायचुंग भुतियाने सांगितलं आहे की, ‘मला वाटतं धोनीचा निर्णय़ कौतुकास्पद आहे, पण खेळात नियमांचं पालन करणंही तितकंच महत्त्वाचं असतं असं मला वाटतं. जर नियम परवानगी देत नसतील तर मला वाटतं धोनीने विशेष ‘बलिदान’ चिन्ह असलेले ग्लोव्ह्ज वापरु नयेत’.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button